طفلتي ترفض النوم لوحدها وأختها ترفض الكتابة

السلام عليكم الاخوه الكرام ٠••• عندى مشكلتين بخصوص بناتى نبدأ بالصغيره هى عمرها سنتين المشكله إنى من يوم ما ولدتها وأنا وجوزى كل واحد بينام ف غرفه لوحده فالبدايه كان لأن البنت لسه مولوده ومش بتبطل عياط طول الليل وهو لازم ينام كويس علشان شغله فبقيت مضطره إنى أنام بيها فى غرفه تانيه ومن يومها وهو ده الوضع المشكله أن جوزى بدأ يزهق ويقول أنه الموضوع كده طول وأنا حاسس أن احنا أتنين اخوات عايشين مع بعض مش متجوزين حتى لما بيبقا عايز يكون فيه علاقه حميمه بنبقا زى اللي بيسرقوا والبنت مستحيل تنام لوحدها أو حتى جمب أختها لأنها لازم تنام ف حضنى مش حتى جنبى ع السرير لو حولت اخليها حتى تنام جنبى علشان تتعود تصرخ وتعيط لحد ما اخدها ف حضنى أنا مش عارفه اعمل إيه وفي نفس الوقت بقول إنها لسه صغيره ان افصلها عنى ومش هاين عليا المشكله التانيه بنتى الكبيره عمرها 6سنين ونص هى ذكيه جدا و ماشاء الله عليها عقلها اكبر من سنها بس مشكلتها فى الدراسه إنها مش بتحب تكتب وشجعتها وجبتلها هدايا وعملت معاها كل حاجه بس مش بتحب الكتابه يعنى ف المدرسه الميس بتاعتها تشكر فى ذكاءها وأنها اشطر واحده بس وقت الكتابه بتوقع وتمل وتسرح وكذلك فى الدروس ارجو لو فيه طريقه احببها بيها ف الكتابه تقول لى عليها واسفه إنى طولت عليكم

وعليكم السلام سيدتي الكريمة بالنسبة إلى مشكلة الطفلة الصغيرة دعيني أقول لك أنك السبب في تعويدها على طريقة النوم فلو منذ الطفولة عودتها على النوم لوحدها يعني بتكتفي بقضاء حاجاتها وبعديها تضعيها على السرير تتعود على هذه الطريقة ولن تجدي أبدا مشكلة في الإنفصال عنها عند النوم، هذا من ناحية ومن ناحية أخرى عمر الطفلة حاليا جد مناسب لتنييمها مع أختها في الغرفة و لو لاحظتي عليها انزعاجا أو بكاء قومي بتنييمها في الغرفة وعند خلودها للنوم غيري مكانك إذ بهذه الطريقة ستعودينها على النوم مع أختها تدريجيا، أما بالنسبة إلى مشكلة الطفلة الكبيرة عليك أن تعتني بإبنتك فالسرحان وعدم التركيز دليل على تفكيرها في أمور ثانية غير الدراسة فقد تفتقر الطفلة إلى الحنان والحب والاهتمام من طرفك لذلك حاولي أن تشجعيها على الدراسة عن طرق مشاركتها الكتابة وتعزيز ذلك ماديا أو معنويا إلى أن تلاحظي تحسنا في ذلك .