كشف المؤلف عمرو محمود ياسين عن استيائه من بعض المنتقدين لمسلسله الرمضاني، "ونحب تاني ليه" لربطهم العمل بقصة حياة الفنانة ياسمين عبد العزيز الحقيقية، نافيًا هذا الرأي جملة وتفصيلًا.
وكتب عبر حسابه على "فيسبوك" قائلا: "لا يتدخل أحد فيما أكتب من تفاصيل أي عمل أنا بعمله ده معروف عني الحمد لله، لما مراد السويفي سمى اليخت غالية فده تصرف مراد السويفي بإيعاز مني أنا، ومفيش طرف تالت له علاقة بده، الرسالة وصلت، أنا ما بتملاش أكتب إيه".
وعلق أحد متابعي عمرو على منشوره قائلاً: "بس حضرتك مش واخد بالك إن قصة المسلسل تقريباً متشابهة لقصة البطلة في الواقع، دي ممكن نسميها رسالة بين السطور".
ليرد بانفعال: "لا واخد بالي إني كاتب معالجة المسلسل ده من أكتر من سنتين، وكان بعنوان الست آيات وبالتالي التشابه اللي بتتكلم عنه مايشغلنيش، لأني لا أكتب إلا اللي نابع مني، وبالمناسبة أنا مش شايف تشابه إلا إذا تقصد إن ست اتطلقت وحبت مرة تانية وأعتقد ده متشابه مع ١٧٢٧٢٥٧٣٨ حالة في حياتنا".
وأضاف: "وأنا مش كاتب ملاكي عشان أبعت رسايل بين السطور لحد، ما يصحش تقولي كده .. أنا بعتز جدا بقلمي ومهنتي".
يذكر أن مسلسل "ونحب تاني ليه" بطولة ياسمين عبدالعزيز، وشريف منير، وسوسن بدر، وكريم فهمي وسمر مرسي، وتدور حول مشاكل الزواج والأسرة خلال مجموعة من الأحداث الكوميدية.
قد يهمك أيضا:
الفنان عمرو محمود ياسين يعلق على خلع والدته للحجاب
بعد الحلقة 14«الفتوة» و«ونحب تاني ليه» الأكثر بحثاً على جوجل