تعرضت أسما ابنة الفنان شريف منير وخطيبة الممثل محمود حجازي، الفترة الماضية لبعض التعليقات السلبية التي تناولت شكلها تحديدا.
وردت أسما على التعليقات التي تحدثت عن شكلها، وخصوصا حجم أنفها، حيث شاركت صورة لها عبر حسابها الشخصي على موقع تبادل الصور والفيديوهات الشهير "إنستغرام"، وعلقت عليها قائلة "أنا مناخيري كبيرة آه وربنا شايف كده وخالقني كده وقالي كمان إنه خلقني في أحسن تقويم، أتولد وكبرت وأهلي برضه شايفني كده قوم إيه الواحد يطلع في الدنيا مصدق إنه تمام يجي بقي الواقع يضربه على مناخيره وفجًّأة تصدق الناس وتتكسف من عيوبك وتفقد الثقة في نفسك".
وأضافت "كتير بسبب إن مناخيري كبيرة كنت بفقد الثقة بنفسي وكنت باقول لأهلي إني عايزة أعمل فيها عملية بس دايمًا كنت بخاف اعملها، وبعدين لما اتعلمت الميكب وبالذات الكنتور عرفت أصغرها بالميكب وده زودلي الثقة شوية وبعدين اتعلمت أصغرها في الادتنج انشكحت اكتر، عشان الناس عنيفة في رأيها فساعات بيهزني وبتراوضني فكرة العملية".
وأكملت أسما كلامها قائلة: "لحد ما قررت إني أتصالح مع فكرة إن منخايري كبيرة.. لقتها لايقة على وشي، ربنا شافها حلوة كدة واداني حاجات تانية حلوة في وشي.. وفجأة حصلي حالة تفكير وافتكرت إني مش كاملة وإن عيوبي جزء مني والمفروض إني أتعلَّم أحبها عشان مش الأسهل إني أغيرها، تخيلت لو جالي لوحة من پيكاسو مثلًا هدية حتا لو معقده وفيها جزء مش عجبني مش هجيب فرشة وألوان وأعدل عليها، محدش هيعمل كده طب إيه بقى".
واختتمت قائلة "أنا لسة بتعلم أحب نفسي بس بشكل صحي مش مريض وقلت لازم ابتدي في علاجها بإني أتكلم عنها بكل صدق وفي تصالح بس كده".
وكانت أسما شريف منير قد احتفلت بخطوبتها على الفنان محمود حجازي، بصحبة أصدقائهم وأصدقاء والد العروسة الفنان شريف منير في أحد الكافيهات الشهيرة بمنطقة 6 أكتوبر، حيث حرص على حضور السهرة العديد من الفنانين أبرزهم أحمد زاهر وأمير كرارة وشيري عادل، إلى جانب روجينا وأشرف زكي.