أعربت المطربة السورية أصالة عن حبها الشديد للفنان الكبير فاروق الفيشاوي، ونشرت صورة عبر حسابها الشخصي على موقع تبادل الصور والفيديوهات الشهير "إنستغرام".
وكتبت أصالة قائلة: "أستاذ فاروق الفيشاوي واحد من بعض أشخاص التقيتهم وأثّروا فيّ من موقف واحد بس.. من كم سنة فاتوا كان الأستاذ عامل ببيته عشا وعزمني ورحت طبعا".
وأضافت "كان موجود عنده ناس كتير مشهورة من فنّانين وغيرهم، وطبعًا اهتمّ بكلّ ضيوفه واهتمّ أكتر بالشباب اللي جايين مع الضيوف الّلي بيسوق، واللي بيرافق إلخ".
وأوضحت أنه "تصرّف طوال السهرة بأخلاق ما شفت لها مثيل وببساطة وبخفّة دمّ وبحنان بالغ وإنسانية، وما استغربت أبدًا ردّة فعله على المحنة الّلي عايشها هالبني آدم الحقيقي، هوّ صادق في تعامله مع نفسه ومحيطه كلّه دون تفرقة، وآلاف النّاس من الّلي خصَّهم باهتمامه ورعايته، من غير ما حدا يعرف إلّا عن طريق الصدفة، بيدعو له بكلّ لحظة، وملايين البشر وأنا وحده منهم أكيد شافوا أو سمعوا عن نبل شعوره كمان بيدعو له، الله يعافيه ويشفيه بأقرب وقت، آمين ياربّ".