شاركت الفنانة إنجي وجدان، عبر صفحتها الشخصية على موقع "إنستغرام"، جمهورها بصورتين لها قبل وبعد "الريجيم"، وقارنت بينهما وأوضحت أن الفرق بين الصورتين عام.
وعلقت على الصورة قائلة: "وده أنا دلوقتي بالفستان الطوبي. خسيت كتير بس مش علشان حد علشان نفسي بس. وده مش معناه إني ماكنتش حابة نفسي العكس أنا كنت حابة نفسي لأن وزني ده كان سببه إني خلفت أحلى إسماعيل في الدنيا".
وأضافت إنجي وجدان: "عايزة أقول لكل بنت تخنت في الحمل إنتي جميلة وعملتي أحلى حاجة ممكن أي واحدة تعملها إنها تحمل وتكون جواها طفل جميل. مالكيش دعوة برأي الناس خليك حاسة بكل حاجة حلوة. وإنت لو عايزة تخسي علشان إنت بس، هتقدري. الحياة أحلى وأسهل من إننا نعقد نفسنا علشان شوية ناس تافهة وفاضية وسطحية".
واختتمت وجدان حديثها: "لو هتخسي اعملي كده لنفسك وصحتك مش علشان جوزك ولا طنط اللي شافتك واتخضت إنك تخنتي أوي كده إزاي. اتبسطي وحبي الحياة هتعيشي مبسوطة سواء تخنتي ولا خسيتي".