قدّم النجم المصري أحمد حسام "ميدو" المدير الفني السابق للزمالك ووادي دجلة، اعتذارًا لجماهير الكرة المصرية، ولكل متابعيه، عن الفيديو الذي تم تسريبه له ويحتوي على ألفاظ خارجة.
وكان ميدو متواجدًا خلال تحليله لمباراة مصر والبرتغال، في الأستوديو برفقة كل من مجدي عبد الغني وحازم إمام وسيف زاهر، لتحليل المباراة، والتي انتهت بفوز المنتخب البرتغالي على "الفراعنة"، بهدفين لهدف في الدقائق الأخيرة.
وكتب أحمد حسام عبر حسابه الشخصي بموقع التدوينات الصغيرة "تويتر": امبارح اتسرب فيديو وإحنا قاعدين في الفاصل، بنعتذر طبعًا لكل الناس على كل لفظ خارج فيه.. وإن شاء الله هنجيب الخائن للأمانة في أسرع وقت ممكن، أكيد مش ذنب أي حد أنه يسمع الألفاظ دي، أما عن الشباب اللي عايشه الدور ومصدومين من الألفاظ وكده، وكانوا فاكرين إن إحنا واحنا بنتكلم مع بعض بنبيع سبح وفوانيس، فبقولهم معلش ما تتخضوش، ميدو عمره ما عمل نفسه ملاك، ولا عايز الناس تفتكره ملاك”.
واختتم قائلًا "كلنا بينا وبين بعض بنهزر وبنضحك، وأكيد لو أي حد سجل ليك إنت وصحابك في كلام أكتر من كده ممكن يطلع.. مرة تانية باوعدكم هنجيب اللي سرب الفيديو ومش هنسيبه.