أعلنت الفنانة بدرية طلبة عن إصابتها بمرض التنمر عندما كانت صغيرة بعد ما كشف الفنان أحمد حلمي عن تعرّضه للإصابة بالتنمر.
وكتبت بدرية طلبة عبر خلال حسابها على "إنستغرام" :حصلي فعلًا كنت مريضة بالغدة ومكنتش أعرف اللي بيحصلي ده من أعراضها كان وزني ٤٥ كيلو ومسببة لي زي شلل رعاش وعدم توازن وكنت على المسرح ووقعت، وأنا بحاول أقوم سمعت واحد في الصف الأول بيقول البنت دي بتشم خلاني ادمرت نفسيًا لأني أصلًا غير مدخنة وممنوع أتواجد في مكان فيه دخان لأني مريضة صدر، وعلشان كلامه الجارح ربنا أكرمني بدكتور واستأصل الغدة اللي كانت خبيثة لكن قالي رجوعي لحالتي الصحية ولوزني وشكلي الطبيعي سيحتاج إلى سنوات بعد العملية".
وأضافت"كنت كل ما أشوف حد بيتكلم ويبص عليا أفكر أنه بيقول نفس الكلام الجارح، لحد ماشوفت فيلم آسف على الإزعاج اللي غير مجرى حياتي وخلاني افترض حسن النية في اللي بيتكلم أو بيبص لي، وفعلًا كان ربنا أكرمني واتعرفت والناس بيتكلموا على طعامتي وخفة دمي، وجبت مكياج داريت الهالات السودة وحبيت عيبي وحبيت الهالات السودة وهي حبتني وتعايشنا مع بعض وحمدت ربنا أنه أكرمني بعيب بقدر أداريه بالمكياج".
يذكر أن أحمد حلمي أعلن منذ أسبوع عن إصابته بالتنمر وكيف واجهه.