وجَّهت الفنانة الاستعراضية سما المصري، رسالة إلى النجم محمد رمضان بعد أن نشر مقطع فيديو لمجموعة من سياراته الفارهة، عبر صفحتها الشخصية على موقع تبادل الصور والفيديوهات "إنستغرام".
ونشرت "سما" صورة لمحمد رمضان وكتبت عليها قائلة: "بص يا محمد إنت نجم ونجم كبير مش صغير، والناس بتحبك عشان إنت فعلا تعبت والشباب نفسها تبقى زيك في كفاحك ونجوميتك وجمهورك من الغلابة اللي شايفينك قدوة ليهم بلاش تجرح مشاعر الغلابة دول بتصويرك كل شوية للعربيات اللي عندك".
وتابعت: "ربنا يديك أكتر وأكتر عربيات وفيلل وكل حاجة حلوة إنت تعبت وتستاهل بس راعي ظروف الشباب الغلبان اللي بيحبك إنهم يا عيني ظروفهم مش مساعداهم إنهم حتى يتجوزوا بسبب ظروف البلد.. خليك دايما واحد منهم حتة منهم وي ما هم شايفينك دايما يا سيدي داري على شمعتك تقيد".
\
وأضافت الفنانة الاستعراضية: "في ناس بتحقد كتير وعينها وحشة والناس التانية غلابة ونفسهم في لقمة عيش حاف.. خاف على مشاعرهم شوية أنا عارفة إنك تتمنى لكل الناس الخير وبتحب جمهورك ومش قصدك تجرحه بس الغلابة ما بيحسبوهاش كده".
وتابعت سما المصري: "خليك دايما عندهم أسطورة بفنك مش أسطورة بعربياتك.. إنت جدع وابن بلد وربنا هيديك من خيره أكتر وأكتر بس خلي بالك من الغلابة وظروفهم والشباب التعبانة اللي نفسها تفرح ومش عارفه.. ربنا معاك".