تحدثت الفنانة حلا شيحة للمرة الأولى في لقاء إذاعي عن حياتها الشخصية وتفاصيل قرار عودتها إلى عالم الفن ونزعها للحجاب.
وأكدت خلال مشاركتها في برنامج "من 4 لـ6"، على راديو "نغم إف إم"، أن "فترة ابتعادي عن الفن والتي زادت على الـ10 سنوات، عملت وقفة لنفسي جرحت، ورجعت وممكن أرجع أجرح تاني حسب ما بحس، لأن في النهاية إحنا كتلة مشاعر، مش إنسان آلي، بنحس بحاجات وبنغير في حاجات محدش يقدر يقول اتعلمت كل حاجة ودي أجمل حاجة في الإنسان".
وأضافت "اتظلمت مرة ومش حابة أقول تفاصيل، لإني مش بحب أركز في تفاصيل، ومبحبش أظلم حد، وبعدي الأمور"، موضحة "بتعامل مع من يكرهني بشكل عادي، ممكن ابتسم وأبقى لذيذة بس هقف في حتة معينة مش هقرب أكتر، بس مبكرهش حد".
وتابعت "محبة الناس نعمة من ربنا، الفلوس برضه مهمة أن الواحد يقدر يتحرك ويبسط أولاده ونفسه".
وأوضحت "هناك فنانات اتصلوا بي بعد قرار العودة للفن، ومنهن دنيا سمير غانم، ودرة، وجميلة عوض".
وقد يهمك أيضًا: