تعرضت الفنانة حورية فرغلي، لانتقادات لاذعة من جمهورها، بعد نشرها فيديو على حسابها الرسمي بـ انستجرام، تزامنًا مع طوفان الأقصى.
ونشرت حورية فرغلي، على حسابها بـ انستجرام، فيديو لها من منزلها، واعتبره جمهورها غير مناسب خاصة مع الأحداث التي تجرى في فلسطين، خاصة بعد انقطاعها عن السوشيال ميديا طوال الفترة الماضية.
وجاءت الانتقادات التي تلقتها حورية فرغلي على فيديو الخاص بها كالآتي: مش وقته خالص غزة تحت القصف وبتُباد ومجازر جماعية لا مياه ولا نور.. أنتو في عالم موازي والله.
وفي وقت سابق، أعلنت الفنانة حورية فرغلي، تضامنها مع ما يحدث في فلسطين، وضحايا الكيان، وقالت على حسابها الشخصي بـ انستجرام: أنا بعمل الفيديو ده تضامن مع شعب فلسطين الحبيب وقلبي كله حزن وبيتقطع من اللي أنا بشوفه، ويا رب فك كربهم وينصر أهلنا في فلسطين.. الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة.
واستكملت حورية فرغلي حديثها: أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزاجنا احنا.
قد يهمك أيضا: