عبر النجم محمد محمود عبدالعزيز عن حزنه الشديد في الذكرى الأولى لوفاة والده محمود عبدالعزيز، ونشر صورة عبر حسابه الشخصى بموقع الصور الشهير إنستجرام منذ قليل.
وقال تعليقا على الصورة: فاتت سنة وطول السنة وأنا بفتكر وبكتب وانفذ كل حاجة حضرتك علمتهانى، كل حاجه ولسه بتعلم من حضرتك حاجات كتير علمتنى ازاى ابقا راجل وليا كلمة علمتنى ازاى اعتمد على نفسى وماستناش حاجة من حد علمتنى انى فى عز الأزمة أقول يارب علمتنى ازاى أساعد اى محتاج من غير ما اجرحه علمتنى ان مش كل حاجة تتحكى حتى لو كانت كويسة علمتنى انى لما أعمل حاجة خير ولوجه الله أعملها فى السر عشان ربنا يتقبل ويبارك.
وأضاف: ربنا يعلم انى بحاول أعمل كل اللى حضرتك علمتهولى فكل حاجه واتمنى تكون الهدايا بتاعتى بتوصل لحضرتك ومفرحاك ومريحاك وفايداك كلة واحشنى كنت بقولها لحضرتك وانت معايا وقدام عنيا دلوقتى بقيت أكبر مشاكلى ان حضرتك مش معايا وكلمة واحشنى ما بقلهاش معنى ومابقتش لاقى لإحساسى تفسير ولا اسم علمتنى كل حاجة الا انك ماتوحشنيش الحمدلله على كل حاجة واللهم لا اعتراض ورضيت بقضاء الله أسالكم الفاتحة والدعاء لابويا ولكل من رحلوا عننا".