كشف الفنان المصري محمد نور، أنه استفاد كثيرًا من الفترة الماضية التي التزم فيها الجميع بالحجر المنزلي بسبب انتشار فيروس كورونا، مشيرًا إلى أنه تمكن من التركيز بشكل أكبر في عمله.

وقال نور :"دايمًا بييجي وقت نقول فيه إمتى بقى نفضى ولو كام يوم علشان نعمل اللي إحنا عاوزينه، دايمًا بيكون في حفلات وتصوير".

وأضاف: "دي أول مرة يكون في 3 أشهر مرتاح وفي وقت أعمل فيه اللي أنا عاوزه، أعرف أنام، أعرف أقعد مع أهلي وأركز في شغلي، وأنا عن نفسي استفدت جدًا من الفترة دي واشتغلت على الألبوم الجديد".

وتابع: "مفيش ولا أغنية متعلقة بالأحداث الحالية اللي إحنا فيها في الألبوم، الناس عاوزة تسمع حاجة جديدة، والأغاني هتاخد مساحة أكبر الفترة دي.. بسبب قلة الخروج من المنزل والسفر وخلافه".

وعن ألبومه الجديد وما إذا كان سيشارك فيه بالغناء فقط أم التلحين أيضًا، قال: "أنا بالفعل لحنت 5 أغان في الألبوم الجديد، لإني كنت مركز أكتر وكنت فاضي".

وأردف: "بالنسبة لفريق واما، عندنا أغنية سينجل شغالين عالتوزيع وفي حد هيكتب الكلام، وهتنزل بعد عيد الأضحى في شهر أغسطس إن شاء الله".

وأكمل نور: "إحنا شغالين حاليًا على أغاني الألبوم وهيكون في صورة وفيديو لكل أغنية، وفي فيديو كليب للألبوم الحالي اتصور في فرنسا، كله هينزل مع بعضه لما نطرح الألبوم إن شاء الله".

وعن إمكانية عودته للتمثيل بعد غيابه مؤخرًا، قال محمد نور: أنا بيجيلي حاجات كتيرة في التمثيل بس مبحسش إن في حاجة قريبة مني، اتعرض عليا مسلسل تاريخي بس مش هعرف أعمله أكيد، لإني مش ممثل أصلا، لو في حاجة عجبتني هعملها، مش للتواجد وخلاص".

واختتم الفنان المصري، قائلًا: "شاركت في فيلم ماتروشكا لإنه هينزل في 49 دولة ومتقدم بشكل كويس أوي وفي ناس من روسيا ومخرج كبير وشركة إنتاج كويسة، الفكرة حلوة وحاجة لازم تتقبل متترفضش.. هو هينزل في العالم كله مع بعض بس مش عارف إمتى بالظبط".

قد يهمك أيضاً :

محمد نور لابنه في عيد ميلاده: كان نفسي احتفل بيك بس لولا الظروف الصعبة

 

معجبة تطلب من محمد نور رسالة غريبة بمليون جنيه وهو يرد