روت الشابة "قمر" مأساتها وتعرضها للاغتصاب باستخدام المخدر، مفتتحة قصتها بتلك العبارات "صحيت من النوم مش حاسة بنفسي ولا حاسة إيه اللي جرالي" ووفقًا لما روته "قمر"، خلال لقائها في برنامج "صبايا الخير" أكدت تعرضها لعملية اغتصاب على يد أحد أثرياء قريتها، موضحةً أنها تعمل خادمة وتساعد والدة المتهم في أعمال المنزل، وأنه غرر بها باستخدام المخدر واغتصبها.
واستطردت "قمر" خلال لقائها مع الإعلامية ريهام سعيد في إحدى حلقات برنامج "صبايا الخير"، المُذاع عبر فضائية "النهار": أنا بروح أخدم عند ناس، وفي يوم أمه قالت لي إدي له رقم تليفونك عشان لما نعوزك تيجي تعملي معانا حاجة أو تنضفي البيت، وفي تالت يوم العيد فوجئت بيه بيتصل بيا وبيقول لي ماما عاملة عزومة لعمتي، ورحت أخدت توك توك ورحت الفيلا عندهم ولسة داخلة من باب البيت لقيت عمرو اللي كان سايق التوك توك مشي"
وأضافت قمر: طلعت أنا فوق وبعدين سألته فين والدتك وإخواتك البنات، راح قال لي إنتي خايفة ولا إيه، جاب لي كوباية عصير ورحت من الدنيا خالص ما فوقتش غير وهو شايلني على إيديه وسابني على الطريق، وتابعت الشابة: بعد 3 شهور الدورة الشهرية انقطعت عندي ورحت للدكتورة قالت لي ده ضُعف وامشي على الدوا ده، المهم بعد فترة لقيت بطني بتكبر، رحت لدكتور تاني قال لي أنتي حامل يا قمر، وعملت تحاليل وتقرير طبي أكد إني حامل لكن لسة عذراء.